Sad Shayari Collection Hindi/Urdu

Shayari also known as Poetry in English. Millions of people love and like poetry. But the selection of poetry totally depends upon mood and environment. Let’s have a  glance into some of the best sad shayari collection.

1- Wahan Na Phool Khilte Hain

Wahan Na Phool Khilte Hain Na Hi Mosam Badalte Hain
Wahan To Kuch Nahi Hota Jahan Par TUM Nahi Hote

Yahan Wese To Her Sogaat Aasani Se Milti Hay
Pr Mera Dil Nhi Lagta Jahan Par TUM Nahi Hote

Yahan To Luog Sadiyon Ko B Lamhon Me Badalte Hain
Mera Ik Pal Nahi Kat’ta Jahan Par TUM Nahi Hote

Sabab Toney Ka WO Pochain To Qasiden Itna Keh Dena
Mujhy “Hasna” Nhi Aata Jahan Per “TUM” Nahi Hote.

2 – Zamanay k sawalon ko main

Zamanay k sawalon ko main huns k taal du faraz,
Lakin nami ankhon ki kehti hai “mujhe tum yaad aate ho”

3 – Itna Tasalsul to meri sanson

Itna Tasalsul to meri sanson mein b nai FARAZ
jis rawani se wo shakhs mujhe yaad ata hai

4 – Husn Ko chand jawani ko KAMAL

Husn Ko chand jawani ko KAMAL kahtein hain…
Dekh kar hum ise ek shauq GAZAL kahtein hain…
Uf yeh sange mar mar se tarasha hua badan,
Dekhne wale jse TAJMAHAL kahtein hain

5 – Sajdon mein guzaar don

Sajdon mein guzaar don Apni sari zindgi!!!

Ek bar woh keh de mujhe duaon se mang lo.

6 – Barish this hum thy aur ghani ho rahe the sham

Barish this hum thy aur ghani ho rahe the sham

Tm ne liya tha kanpty hountoon se mera nam

Main ne kaha tha aoo yunhi bheegty chalain

In rastoon main dair tak ghumty rahin

Meri kamar main yah hath phoolon sa dal kr

kandhe pe mery yunhi rakhy raho apna sar

Hathoun ko main kabhi! Kabhi baloun ko chum loun

Daikho meri traf tu ankhoon ko chum loun

Pani k yah jo phol hain ruksaar pe khily hoy

In main Dhanak k rang hain sary ghuly hoy

Hontoon se in ko chounty rahen khush dilly k sath

Yunhi kisi darakht k nechai khary rahen

Barish k dair bad B lipty khary rahen

Nasha sa charooun ordh phelta gea

Pher us k bad main tumain kuch nahi kaha

7 – Tujhe kya khabar mere humsafar

Tujhe kya khabar mere humsafar
mera marhala koi aur hai
mujhe manzilon se gurez hai
mera rasta koi aur hai

Meri chahton ko na puchiye
jo mila talab ke siva mila
meri dastan hi ajeeb hai
mera masghalah koi aur hai

Woh raheem hai woh kareem hai
woh nahin ke zulm sada sahe
hai yakeen zamane ko dekh kar
ki yahan khuda koi aur hai

Main chala kahan se khabar nahin
is safar mein hai meri zindagi
meri ibteda kahin aur hai
meri intteha koi aur hai

Mera naam darshan-e-khasta tan
mere dil mein hai koi zau figan
main hoon gum kisi aur ki talash mein
mujhe dhoodta koi aur hai

8 – Manzilain bhi uski thi

Manzilain bhi uski thi,
Rasta bhi uska tha.
Ek main akela tha,Kafila bhi uska tha..
Sath-Sath chalne ki soch bhi uski thi,
Phir raasta badalne ka faisla bhi uska tha…
Aaj kyun akela hoon,Dil sawal karta hai,
Log to uske the,Kya KHUDA bhi uska tha….?
Rasta bhi uska tha.
Ek main akela tha,Kafila bhi uska tha..
Sath-Sath chalne ki soch bhi uski thi,
Phir raasta badalne ka faisla bhi uska tha…
Aaj kyun akela hoon,Dil sawal karta hai,
Log to uske the,Kya KHUDA bhi uska tha….?

9 – Jo nahin mila usay bhool ja

Kahan aa kay ruknay thay rastay, kahan mor tha usay bhool ja
wo jo mil gaya usay yaad rakh, jo nahin mila usay bhool ja

wo tere naseeb ki barshain kisi aur chat pe baras gayain
dil-e be khaber mari baat sun usay bhol ja, usay bhul ja

main to gum tha tere dhyan main teri aas tere guman main
saba keh gai mere kaan main, mere saath aa usay bhol ja

tujhay chand ban kay mila tha jo tere sahilon pe khila tha jo
wo tha aik darya visal ka, so utar gaya usay bhol ja

Kaheen Chak-e-Jaan Ka rafoo Nahee, Kisse Asteen Pay Lahoo Nahee
Keh Shaheed-e-Rah-e-Millal Ka Nahee Khun Baha, Ussay Bhool Ja

Kyun Atta Howa Hai Ghubar Main, Gham-e-Zindagee Kay Fishaar Main
Woh Joo Darj Tha Tairay Bakhat Main Soo woh Hoo Giya, Ussay Bhool Ja

Na Woh Ankh Tairee Ankh Thee, Na Woh Khawab Hee Taira Khawab Tha
Dil-e-Muntazir Too Yeh Kis Liay Taira Jagna, Ussay Bhool Ja

Yeh Joo Raat Din Hai Khel Sa, Issay Dekh, Iss Par Yaqeen Na Kar
Nahee Aks Koi Bhee Mustaqil Sar-e-Aieena, Ussay Bhool Ja

Joo Bisat-e-Jaan Hee Ulat Giya, Woh Joo Rastay Say Palat Giya
Ussay Rooknay Say Hasool Kiya, Ussay Mut Bulla, Ussay Bhool Ja

10 – Gum Chupa Ke Bhi Hasne Wale Kam Nahi

Jinki Ankhein Aansuon Se Nam Nahi…….!
Kya Samajhte Ho Unhein Koi Gum Nahi…….!
Tum Trap Ke Ro Diye To Kya Hua…….!
Gum Chupa Ke Bhi Hasne Wale Kam Nahi…….!

11 – Tumhe Chaha Tha Humne Bahut

Tumhe Chaha Tha Humne Bahut,
Tumhe Ab Bhi Hum Chahte Hai,
Dilon Ki Ye Kismat Bhi Tou Dekho,
Ke Milke Bhi Na Mil Paate Hai
Jab Dil Mil Gayen,Tou Kyun Kismat Nahi Mili,
Pyar Ke Raah Par Kyun Farz Deewar Bangai,
Kyun Ye Zindagi Kaaton Ki Safar Bangai,
Kyun Milke Bhi Saari Khushiyan Kahin Kho Gai
Bewafa Hum Nahi Hai Magar,
Phir Bhi Bewafai Kiya Jaa Rahe Hai,
Socho Hum Kitne Majboor Hain,
Ke Jo Na Karna Tha Wahi Kiye Jaa Rahen Hai
Jeevan Adhura Mera ,Adhuri Si Hun Main,
Kaise Bataun Tumbin,Kaise Jee Rahi Hun Main,
Chah Ke Tujhe, Tujhse Hu Juda Ho Rahi Hun Main,
Ke Ilzaam-E-Bewafai Saath Le Jaa Rahi Hun Main

12 – USKE LIYE YE DILLAGI THI

USKE LIYE YE DILLAGI THI,
MERI ZINDAGI KI BAAT THI…

USNE MUD KE BHI NA DEKHA MUJHE,
MERI TO PARCHAYI BHI USKE SATH THI…

BE-MAUT MAR RAHE THE HUM,
MERI ZINDAGI USKE HI HATH THI..

VIRANION ME CHODA USNE MUJHE,
PAR DUNIYA USKI TO ABAAD THI…

USKE KHWABON ME BHI NA THE HUM,
AUR MERI TO DUNIYA HI USKE SATH THI…

ZEHAR BHI HALK SE NEECHE NA GAYA,
WO HI TO MERI PYAAS THI….

VO BADLE TO WAQT BADAL GAYA,
EK MUTTHI RET BS MERE PAS THI…

WO BHI RAKH USKE DAR PE AAYE,
SHAYAD WO MERI AKHIRI SAUGAT THI….

13 – Humsafar ki Talaash hai

Ek muddat se is dil ko, karaar ki Talaash hai,
Zindagi ke tanha safar me, humsafar ki Talaash hai…

Yun to roz is duniya me dikhayi dete hain chehre hazaron,
In chehron ke bich hume ek chehre ki Talaash hai…

Bad muddaton ke mili thi wo zindagi bichad gayi humse,
Aaj tak uss bichadi huyi zindagi ki Talaash hai….

Jane kya soch kar aaj ansu agaye ankhon mein,
In ansuon ke bich hume phir hansi ki Talaash hai….!!!!!!!!

14 – Kis janib jaon

ye safar-e-biyabaan aur teri yaad

kis janib jaon dono hi lahasil hain.

15 – Wo meri QASAM leta hai

wo meri QASAM leta hai ILZAAM samaj kar
or dy deta hai apni QASAM inaam SAMAJ kar

wo janta hai MUJY us sy kitni MOHABBAT hai
phir bi GUFTAGO karta hai ANJAAN samaj kar

mainy usay apny DIL ki DHARKAN mai basaya hai
our wo DIL mai rakta hai ujy MEHMAN samaj kar

agr usy HUM sy MOHABBAT nhe to na sahy
MAGAR Q ILZAAM deta hai GUMNAM samaj kar

16 – Suna hai log ussay aankh bhar ke dekhtay hain

Suna hai log ussay aankh bhar ke dekhtay hain

So us ke shehar mein kuch din thehar ke dekhtay hain

Suna hai rabt hai us ko kharaab haloon se

So apne aap ko barbaad kar ke dekhtay hain

Suna hai dard ki ghaahak hai chashm-e-naaz us ki

So hum bhi us ki gali se guzar ke dekhtay hain

Suna hai us ko bhi hai shair-o-shaeri se shaguf

So hum bhi moujazzay apne hunar ke dekhtay hain

Suna hai bolay tu batoon se phool jhartay hain

Yeh baat hai tu chalo baat kar ke dekhtay hain

Suna hai raat ussay chaand takta rehta hai

Sitaaray baam-e-falak se uttar ke dekhtay hain

Suna hai din ko ussay titleyaan sataati hain

Suna hai raat ko jugnoo thehar ke dekhtay hain

Suna hai hashar hain us ki ghazaal si ankhain

Suna hai us ko hiran dasht bhar ke dekhtay hain

Suna hai raat se barh kar hain kaaklain us ki

Suna hai shaam ko saaye guzar ke dekhtay hain

Suna hai us ki seyaah chashmagi qayaamat hai

So us ki surma farosh aah bhar ke dekhtay hain

Suna hai us ke laboon se gulaab jaltay hain

So hum bahaar pe ilzaam dhar ke dekhtay hain

suna hai aaenaa tamsaal hai jabeen us ki

Jo saada dil hain ussay ban sanwar ke dekhtay hain

Suna hai jab se hamaayal hain us ki gardan mein

Mizaaj aur hi laalo-gohar ke dekhtay hain

Suna hai chashm-e-tassavur se dasht-e-imkaan mein

Pallang zaweyey us ki kamar ke dekhtay hain

Suna hai us ke badan ki taarash aisi hai

Ke phool apni qubaayain qattar ke dekhtay hain

Bas ek nigaah se lut’ta hai qaafila dil ka

So reharwaan-e-tamanna bhi dar ke dekhtay hain

Suna hai us ke shabistaan se muttasil hai behisht

Makeen idhar ke bhi jalway udhar ke bhi dekhtay hain

Rukay tu gardishain us ka tawwaaf karti hain

Chalay tu us ko zamaany thehar ke dekhtay hain

Feel free to share the shayari with your friends and loved ones throught whatsapp, facebook, gplus, twitter or in email.

7 Comments

  1. Taskeen na Ho Jis Say Wo Raz Badal Dalo
    Jo Raz na rakh Pay Wo Hamraz Badal dalo

    Tum Ny Bhe Suni Ho Gi Beri Aam Si Khawat Hay
    Anjam Ka Ho Khatra To Aghaz Badal Dalo

    Pur-Soz Dilo Ko Jo Muskan Na Dy Pay
    Sur Hi Na Mily Jis Main Wo Saaz Badal Dalo

    Dushman K Irado Ka Ager Zahir Hu Kerna
    Tum Khail Wo Hi Khalo Andaz Badal Dalo

    A Dost Karo Himmat Kuch Door Sawera Hy
    Ager Chaty Ho Manzil To Pervaz Badal Dalo

  2. Chupchap kahin rakha to hai,
    Ek khwaab humne dekha to hai

    Kal shaam yun hi tanha baidkar
    Tere bare me socha to hai,

    Doobte sooraj ugte chaand par,
    Tere liye paigaam bheja to hai,

    Behti hawa,saagar ki lehron par,
    Tera hi naam likha to hai,

    Aasman ko jab gaur se dekha,
    Tera hi chehra dikha humko hai,

    Karib ka nahi door ka sahi,
    Koi ek rishtaa banaa to hai?

  3. Hr lamhe me 1 KITAB,Hr kitab me 1 SAWAL,Hr sawal me 1 JAWAB,Hr jawab me 1 SAPNA,Hr sapne me 1 ARMAN,Hr Arman me 1 YAAD,Aur har yaad me AAP.

  4. hijr k mousam me yeh barish ka barasna kaisa !
    ek sehra ka samander se guzarna kaisa?

    aae mere dil na pareshan ho tanha ho kar!
    woh tere saath chala kub tha …..bicharna kaisa?

    loog kehte hain gulshan ki tabahi dekho!
    me tou weeraaan sa jungle tha ujarna kaisa?

    daikhne me tou koi dard nahin dukh bhi nahin!

    phir ye aankhon me uun ashkoon ka ubharna kaisa?

    bewafa kehne ki jurrat bhi na karna usko..!
    us ne iqraar kiya hi kub tha mukarna kaisa

  5. duniyaa ne ham pe jab koii ilzaam rakh diyaa
    ham ne muqaabil us ke teraa naam rakh diyaa

    ik Khaas had pe aa gaii jab terii beruKhii
    naam us kaa ham ne gardish-e-ayyaam rakh diyaa

    main larr_kharaa rahaa huuN tujhe dekh-dekh kar
    tuune to mere saamane ik jaam rakh diyaa

    kitanaa sitam_zariif hai vo saahib-e-jamaal
    us ne diyaa jalaa ke lab-e-baam rakh diyaa

    insaan aur dekhe baGair us ko maan le
    ik Khauf kaa bashar ne Khudaa naam rakh diyaa

    ab jis ke jii mein aaye vahii paaye raushanii
    ham ne to dil jalaa ke sar-e-aam rakh diyaa

    kyaa masalahat_shanaas thaa vo aadamii ‘Qateel’
    majabuuriyo.n kaa jis ne vafaa naam rakh diyaa

  6. Taluq Torta Hoon Tu Mukammal Torr Deta Hoon
    Jisay Main Chorr Deta Hoon Mukammal Chorr Deta Hoon

    Mohabbat Ho Keh Nafrat, Bhara Rehta Hoon Shiddat Say
    Jidhar Say Aaye Yeh Darya, Udhar He Morr Deta Hoon

    Yaqeen Rakhta Nahi Hoon Main Kese Kachay Taluq Per
    Jo Dhaga Tootnay Wala Ho Us Ko Torr Deta Hoon

    Meray Dekhay Howay Khowab Lehlay Na Lay Jaye
    Gharonday Rait Kay Tameer Kar Kay Chorr Deta Hoon

    Adeem Ab Tak Wahi Bachpan, Wahi Takhreeb Kaari Hai
    Qafs Ko Torr Deta Hoon, Parinday Chorr Deta Hoon

  7. Mujh se bicharr k mujh ko rula ker udaas tha,
    Meri tarah wo khud ko jala ker udaas tha,

    Aise ajeeb dard k pehre thay chaar soo,
    Ab k wo mere shehar main aa ker udaas tha,

    Mujh ko bhi us ki yaad satati rahi bohat,
    Wo Bhi diyaar-e-ghair main ja ker udaas tha,

    Mere ilawa bhi hai koi us ka shaher main,
    Itni see baat mujh ko bata ker udaas tha,”””

    Us ko udaas ker gai beete dinon ki yaad,
    Guzri rafaqaton ko ganwa ker udaas tha…!!!

Leave a Reply

Your email address will not be published. Required fields are marked *

Close