Dant Ka Dard Thek karne Ke 10 Tareqe

4 Likes Comment

Dant ka dard ho to kahi sukoon nai milta. Yun mehsoos hota ha ke sar mai hathora mar raha ho. Or aksar dant ka dard us time hota ha jab hum doctor ke pas nahi ja sakte ya doctor dard thek hone tak kuch nahi kr skta. Dant ke dard ki boht sari wajhen ho skti hai, dant ka sar jana, masooron mai sujan ya dant mai darar ajana. Jjaise hi dant mai dard ho humen dentist k pas foran jana chahye, ta ke asal masle ka pata chale. Dentist ke pas jane tak, dard se rahat ke lye humare btae hue tareeqon par amal kren.

Namkeen Pani

Ye totka har kisi ko pata hoga. Lekin hazar bar btae jane k bad bhi iska asar kam nai hota. Jab humare dant sarne lgte hai to wo lactic acid paida krne lag jate hai. Namak lactic acid ka asar khatam krta ha. Isi waja se ye dard bhi kam krta ha. Ek glass garam pani mai adha chamach namak daal len. Ek ghoont pani munh mai le k eek minute tak kuli krte rahe, phr phenk den. Phr dosra ghoont len or pehle jaise kren. Jab tak poora glass khatam na ho ye kam krte rahen. Ye krne se dard both kam hojae ga.

Long

Long mai aise ajza hote hai jo dard se rahat mai boht madad dete hai. Is naye dor k doctors bhi long k asar ko mante hai. Long ko istemal krne k kafi sare tareeqe hai.

  • Long ka powder ek aisi cheez ha jo har kisi k kitchen mai pae jati ha. Namak wale pani se kuli kr len, phr long ka powder dard ki jaga par or aas pas k masooron par bhi lgae.
  • Namak wale garam ani se kuli kr len. Is k bad ek long utha k dant mai dabae. Munh mai tab tak rkhe jab tak naram na hojae. Naram hojane k bad zara chabaen ta k ache se uska asar phel jaye.
  • Long ka oil or olive oil mix kre. Kapas ki ek choti ball is mai geeli kare. Namak wale garam pani se kuli krne k bad is kapas ko munh mai dard ki jaga par rakh den. Tab tak rakhen jab tak dard khatam na hojae.

Podine ka tail

Dard ko kam krne k lye podine ka oil aksar jaga btaya gya ha. Is totke ke lye apko 3 cheezen chahye hon gi:

  • Podine ka oil (Peppermint oil)
  • Olive oil
  • Kapas

Ache se garam pani se kuli kr le. Podine k tail mai olive oil mix kare ta ke ye dant mai koi jalan na kre. Phr kapas ko is mai dubo ke munh mai dard ki jaga par rakh len ya phr halka halka lgaen.

Limoo

Limoo bhale hi boht khatta hota ha lekin dant ke dard ke lye boht acha ha. Limoo ka ras dant mai rehne wale bacteria ko marta ha. Limoo ko gol kaat len. Iskar ras choosen or ek tukra dard ki jaga par rakh den. Thori der mai hi dard kam mehsoos hone lage ga.

Baraf

Jahan dard hota ha wo jaga garam hojati ha. Baraf kisi bhi jaga ko sunn kr k dard ka ehsaas khatam krti ha. Baraf ko istemal krne ke 2 se 3 tareeqe hai.

  • Baraf k ek tukre ko kapre mai lapait kr 15 minute ke lye dant ke pas rakhe.
  • Kapre mai baraf lapait ke gaal pe lagane se bhi farq parta ha.
  • Kaha jata ha ke agr hath ki unglion par baraf rakhi jae to dant ka dard kam mehsoos hota ha. Baraf ka ek tukra hath mai le kr apni unglian or angootha us par malen. Dant ka dard kam mehsoos hone lage ga.

Sharaab (Alcohol)

Is totke k lye apko thori se sharaab (Whiskey ya bourbon) chahye hogi. Ek kapas ki ball le ke isko sharaab mai duboen. Ache se nichor k isko dard wale masooron ke pas rakh len. Agar ap poori kapas munh mai nahi rakhna chahte to halka halka masooron par lgaen. Agar dard both shaded bhi hoga to ye totka us jaga ko sunn kr de ga. Sharaab peene se koi faida nahi hoga, isey wahi lgani pare gi.

Lasan

Lasan ko dant ke dard k lye both acha samjha jata ha. Ye bacteria ko dant ki jaron mai hi khatm karta ha. Isko lagane ke do tareeqe hai.

  • Lasan ka paste bana ke is mai thora sa namak dalen or dard wali jaga par lgaen.
  • Lasan ki 1 ya 2 phalian dant mai rakh ke chabaen.

Ye sin 2 se 3 bar kren. Is totke se dard kch ghanton k lye khatam hojae ga.

Podine Ki Chaye (Peppermint Tea)

Podine ki chaye ka taste acha hota ha or is mai aisi qudrati cheezen hoti hai jo sunn krti hai.  Ek chamach sookhe podine ke patte 20 minute k lye pani mai ubaalen. Jab ye chaye zara thandi hojae to munh mai le ke ghumen phr isko pee len ya phenk den ye apki marzi ha. Is chae ko chaan k jo podina nikalta ha usey masooron par rub karne se bhi faida hota ha.

Hing

Hing, dono masooron se knoon nikalna or dant k dard ka ilaj ha. Ek chutki hing powder do chamach limoo k ras mai milae or halka sa garam kr len. Kapas ki ball is mai duboo kr masooron or dant par lgae.  Is se dant k dard se foran aram mil jae ga. Agr dant sara hua ha to hing ko ghee mai garam kr ke dant par lagane se dard khatam hojae ga.

Amrood Ke Patte

Amrood ke patte soojan khatam krte hai or bacteria ko khatam karte hai. 2-3 amrood pate chabane se dant ka dard khatam hojata ha. Agr ye nahi kr skte to amrood k patte pani mai ubaal len. Chan k usi pani se 5 minute tak kuli krne se dard se rahat milti ha.

You might like

Leave a Reply

Your email address will not be published. Required fields are marked *