Bina Gym ke Ghar Par Body Kaise Banaye – Janien Hindi/Urdu Mein

Body Kaise Banaye

Agar aap kisi wajah se gym ya fitness center nahi ja sakte to iska matlab ye nahi ki aap achi body nahi bana sakte. Chahe aapko apna weight kam karna ho, pet ki charbi ghatani ho ya fir body banani ho aap ghar par exercise aur yoga karke ek fit aur healthy body paa sakte hai. Aaiye jane ghar par body kaise banaye.

Kuch saal pahle jab gym nhi hua karte the tab bhi log ghar par hi body banaya karte the to kya ab hum ghar par body nahi bana sakte. Is leekh mein hum janenge ghar par body banane ke tarike hindi mein.

Ghar Par Gym Kaise Banaye

Aap apni strength training aur body fitness ke liye apne ghar ke purane saman ko ikatha karke ghar par gym bhi bana sakte hai.

  • Lakdi ka bench
  • Purana sand bag
  • Tractor ka tyre
  • Purana chota tyre
  • Rod ya koi pipe

Body Kaise Banaye: Ghar Par Body Banane ke Liye Kya Kare

1. Apne ghar mein koi purana bag dhundhe aur usme mitti ya reet daal kar bhar de. Aap is bag ko boxing ke liye isteemaal kar sakte hai aur iske ilaava bag ko kamar par baandh kar running bhi kar sakte hai.

2. Ghar par latakne ke liye aapko kisi lifiting plateform ki jarurat nahi. Aap ghr par isteemal hone wali kisi rod, pipe ya lakdi ka esa danda jo aap ka bhaar utha sake paryog kar sakte hai.

3. Agar aapke ghar tractor ka purana tyre pada ho to use ek jagah se dusri jagah utha ke rakhe. Uske liye aapko tyre ki ek taraf khade ho kar tyre uthana hai aur dusri taraf fainkna hai.

4. Koi chota tyre apne kamar ke sath bandh kar running kare. Aapne ye sab filmo mein kai baar hote hue bhi dekha hoga, muscles ki strength aur body fitness ke liye ye acha work out hai.

5. Sidhiya to har ghar mein hoti hai. Pahli sidhi par up down ka workout kare. Iske liye pahle apna ek pair sidhi ke upar le jaye fir dusra pair sidhi par pahle ke sath rakhe uske bad ek ek kar ke dono pairo ko niche le aaye. Yahi kirya aap ko teji se karni hai. Aap ye exercise kisi lakdi ke box ke sath bhi kar sakte hai.

6. Cycling, running aur swimming kuch esi exercise hai jisse body ki sabhi muscles ka workout ho jata hai aur body ko takat milne ke sath sath stemina aur fitness badhti hai.

7. Body banane ke liye yoga karne se bahut fayda ho sakta hai. Apne workout mein kapalbhati aur anulom vilom pranayam ko shamil kare aur iske sath shareer ko active rakhne ke liye yogasana bhi kare. Yoga aapke shareer ko andar se swasth rakhega aur bimariyo se bhi bachaye rakhega.

Achi body banane ke liye kitna samay lagta hai

Achi aur fit body banane mein kitna samay lagega iske liye sabse pahle ye dekhna jaruri hai ki aapki body mein kitna fat hai. Jada fat hone par sabse pahle fat ghatane wali exercise kare. Ek baar fat kam hone par aap daily workout, cycling, running, swimming aur yoga karke apni body ko maintain rakh sakte hai.
Manchahi body paane ke liye jarurai hai ki aap ek healthy lifestyle apnaye jisme regular exercises, workout aur healthy diet plan ho. Excersise or workout ke sath sath body ko achi khurak ki bhi jarurat hoti hai. Tala aur masaledar khane ki bajay healthy food khaye jo shareer ko takat de.

Agar app ek achi aur fit body banana chahte hai to apni soch ko positive rakhe. Kai baar hame result thoda slow milta hai aur hum bodybuilding exercise aur workout beech mein hi chod dete hai. Apni soch ko sakaratmak rakhe aur apne target ke liye mehnat karte rahe.

Dosto Body Kaise Banaye, Ghar Par Body Banane ke Tarke Hindi Mein, ye leekh aap ko kaisa laga hame comment karke bataye aur agar aapke pass koi sujhaav, upay ya fir anubhav ho to hamare sath bhi share kare taki dusre log bhi aapki di hui jankari se achi body bana sake.

LEAVE A REPLY

Please enter your comment!
Please enter your name here