10 Herankun Muqamat Jo Ke Such me Dunya me Mojood Hai

Is puri dunya me mukhtalif maqamat waqia hain. Aur har maqam k pechay aik alag he kahani
aur history maujood hai. Aaj hum dunya k chand 10 asay maqamat pay roshni dalengy jin k bary me science bhe ab tak khooj nahi nikal saki.

1) FLY GEYSER

Jisay urdu zuban main “Garam Chashma” bhe kaha jasakta hai. Fly Geyser Washoe county Naveada nami jagha me waqia aik aisa chashma hai jo androoni zameen ki sata pay maujood hai. Ye chashma kabil e zikar apni numaya rangeen pathron ki sakht ki waja se hai. Jis k andar se musalsal pani Jal Bagola ho k bahir nikalta hai.

2) HANGING TEMPLES OF HANGSNAN

Ye mandir 100 saal purana hai jo k China k subay “Shanxi” me waqia hai. Ye temple paharon k upar waqia hai aur zameen se 75m uncha hai, aur is k andar 40 se zaid apas me juray kamray maujood hain.  Times magazine nay Dec 2010 me isay dunya ki 10 sub se khatarnak imaraton me
se aik me sar e fahrist kia. Is mandir ki tareekhi hony ki wajha se ye siahon (tourist) ki dilchaspi ka bais hai.

3) FINGALS CAVE

Fingals cave Scotland me waqia ek (ghaar) غار hai, jo k 22m unchi aur 82m ghari hai. Ye ghaar ek munfarid pattern me patharon k (satoon) ستون yani pillars se bnai gai hai. Kadeem zamany k Scotish is ghaar ko cave of melody yani sureeli ghaar bhe kehty thay.

4) NATURAL BRIDGE

Is dunya me maujood ziada tar bridge insano k bnay huay hain. Par natural bridge Virginia me maujood ek aasa pul hai jo k puri tarhan se kudrati tor pay bana hua hai. Ye bridge 65m uncha hai aur isay Monacann kabeely k log bohat muqadas manty thay. Jiski waja se is bridge ka jaiza kuch American colonist nay bhe lia, jin me se aik Geroge Washington hain.

5) BLUE FOREST

Ye koi aam jungle nahe balkay khawabon ki dunya ka Forest kehlaya jata hai. Ye Forest Belgium me waqia hai aur intahai khoobsurat hai. (Bhar) بہار k mosam me ye forest aur bhe haseen aur kushada hojata hai. Is forest ki khasiyat is me majood Blue Bell flowers hain jinhe urdu me Neelay (bail) بیل waly phool kaha ja sakta hai. Ye phool puray forest me phalay huay hain aur apni khoobsurti se isay jungle ki bjay ek khawabon ki dunya bna dety hain.

6) DANCING FOREST

Ye forest Russia me maujood hai. Isay dancing forest kaha jata hai q k isme majood darakht ki shape twisted hai. Ye trees 1960s me lagai gyen then lakin tab is bat ki umeed nahi ki gye thi k inki
shape asi hojy gi. Is baat ka andaza ab tak koi nahi laga saka k ye tress asi ghair mamooli shape me
q hain. Kuch log ye mantya hain k is jagha py koi magic/jadu majood hai.

7) ZONE OF SILENCE

Ye jagha Mexico me mojood hai. Is jagha ki (pur israar) پراسرار hony ki waja ye hai k yahan koi magnatic device aur radio signals kaam nahe karty. Kaha ye jata hai k is jagha me koi asi kooat majood hai jo khala (space) se cheezon ko apni taraf attract karti hai. Is zone me mojood janwar bhe ajeeb paay gy hain aur yahan Aliens k utarny ka bhe khadsha hai.

8) San Juan CAVE

Ye (ghaar) غار Vietnam me majood hai. Jo k 1991 me wahan k rehaishi “Hang son Doong” nami banday nay Zor dar hawaon aur taiz raftar nadi ki wja se pehli bar discover ki thi. Ye cave 5km lambi aur 150m (choori ) چوڑائی hai. Is ghaar ko dunya ki chand bari caves me se aik kaha jata hai aur yahan bary bary
pathar bhe majood hain. 2009 me is cave ko internationally bhe mashoor kia gya aur 2013 se isay
Siaahon(tourist) ki tafreeh k leay khol dia gya. jisme 800 logon ko har season me is jagha k tafreehi passes deay jaty hain.

9) THE MARBLE CAVES OF CHILE CHICO

Ye cave Argentina k border aur Patagonia Chile me mojood hai. Ye pani k upar bani hui hai aur is jagha me bohat sari munfarid Gharen(caves) aur Surungen (tunnels) mojood hain jo k puri tarhan say marble ki hain aur lehron (waves) ki wja se 6200 saal phaly takhleeq huin, jinki shape mushroom jasi hai. Is cave tak paunchny ka sirf ek zarya hy jo k hai boat aur yahan siahon (tourist) ko sirf 30 mins k tour ki ejazat hai.

10) BERMUDA TRIANGLE

Ye ek asa samandar hai jo k North Atlantic Ocean me waqia hai. Isay devils ya shaitan ka triangle kaha jata hai q k jo bhe cheez is area me jati hai wo kabhi laut k nahi aati. Is jagha me la tadaad jahaz aur boats ghayab ho chuki hain jo aaj tak nahi mil sakin. Mana jata hai k yahan pay koi pur-israar cheez maujood hai aur ye b kaha jata hai k Pani K andar dragons majood hain jo k chezon ko gayab kar dety hain par aj tak is bat ki asliat maloom na hosaki. Ek japanes Government ki ship bhe yahan is baat ki khooj nikalny bjhi gye thi, jo k wapis kisi ko na mili. Tab se is jagha ko danger zone me shumaar krdia gya.

Leave a Reply

Your email address will not be published. Required fields are marked *